काठमाडौँ । महानगरीय ट्राफिक प्रहरी महाशाखाले सार्वजनिक बसमा बढी भाडा लिने ९ जनालाई पक्राउ गरेको छ । पक्राउ पर्नेमा लालकाजी घिसिङ, दिपक तामाङ, श्याम थापामगर, नरेश लामिछाने,दिलबहादुर भण्डारी, भुवन लामा, राजेन्द्र थापा, संगम दुत्त मग्रान्ती र सुब्बा बोहरा छन् । 

महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक भीमप्रसाद ढकालले सादा पोशाकमै प्रहरी खटाएर बढी भाडा लिनेविरुद्ध कारबाही चलाएको जानकारी दिए । पक्राउ पर्ने व्यक्तिहरूलाई आवश्यक कारबाहीका लागि महानगरीय प्रहरी वृत्तहरूमा बुझाइएको छ ।