कास्की । बुधबार क्वारेन्टाइनमा मृत्यु भएका ब्यक्तिमा कोरोना नरहेको पुष्टि भएको छ । कास्कीको रुपा गाउँपालिकामा क्वारेन्टाइनमा रहँदै आएका विश्व मोहन नेपालीको बुधबार उपचारका लागि अस्पताला ल्याउँदै गर्दा मृत्यु भएको थियो ।

१० दिन अघि भारतबाट आएका नेपाली क्वारेन्टाइनमा रहँदै आएकोमा स्वास्थ्यमा थप समस्या भएपछि थप उपचारकालागि पश्मिाञ्चल क्षेत्रीय अस्पताल पोखरा ल्याउँदै गर्दा बाटोमै मृत्यु भएको थियो । राष्ट्रिय जनस्वास्थ्य प्रयोगशाला टेकुको रिपोर्ट अनुसार मृतक नेपालीमा कोरोना संक्रमण नदेखिएको हो ।