रुपेन्देही । बुटवलमा रहेको अस्थायी आइसोलेसन अस्पतालमा एक जनाको निधन भएको छ । उच्च ज्वरोका कारण आज ती व्यक्तिको निधन भएको बताइएको छ । दुवईबाट गत चैत ७ गते नेपाल आएका सैनामैनाका ३४ बर्षका बाबुराम थापा ज्वरो आएपछि १३ चैतमा उक्त अस्पतालमा भर्ना भएका थिए ।
उनको कोरोना भाइरसका कारणले मृत्यु भएको हो वा होइन भन्ने बारेमा काठमाडौंबाट रिपोर्ट आएपछि मात्र थाहा हुने अस्पताल स्रोतले वताएको छ। चैत्र ८ गते दुबईबाट नेपाल आएका उनलाई कोरोना संक्रमणको लक्षण देखा परेपछि १३ गते क्वारेन्टाईन ल्याईएको थियो ।
