चितवन । चितवनमा लकडाउन उल्लंघन गर्ने १० जनालाई प्रहरीले पक्राउ गरेको छ । आइतबार नेपालमा एक महिलामा कोरोना भाइरसको पुष्टि स्वास्थ्य मन्त्रालयले गरेसँगै सरकारले मंगलबार बिहान ६ बजेबाट लागु हुने गरी नेपाल लकडाउन गरेको थियो । सरकारको एक हप्ते लकडाउनको उल्लंघन गर्ने १० जनालाइ प्रहरीले चितवनबाट पक्राउ गरेको हो ।

जिल्ला प्रहरी कार्यालय, चितवनका प्रमुख एसपी नान्तीराज गुरुङका अनुसार लकडाउनको अवज्ञा गर्दै बिनाकामकाज घरबाट बाहिर निस्किएका १० जना व्यक्तिहरूलाई नारायणगढ बजारक्षेत्र र पूर्वी चितवनको टाँडीबाट नियन्त्रणमा लिइएको हो ।

यस्तो समयमा कुनै काम बिना घर बाहिर निस्किनेलाइ नियन्त्रणमा लिने उनले बताए  ।