काठमाडौँ – शुक्रबार चितवनमा ९ लाख रुपैयाँ लुटपाट भएको छ। पूर्वी चितवनको खैरहनीमा गुल्मीको सत्यवर्ती गाउँपालिका –६ का ३१ वर्षीय नारायण घर्तीको ९ लाख रुपैयाँ लुटिएको हो। घर्तीले उक्त रकम भरतपुरको एक बैंकबाट निकालेका थिए । घर्तीका अनुसार खैरहनी नगरपालिकामा जग्गा खरिद गरिदिने भन्दै अनिल राई नामका व्यक्तिले बोलाएको र उनैले पैसा लुटेको घर्तीले बताएका छन्।
राईले जग्गा बैना गर्ने भनी मालपोत कार्यालय बोलाएको र पछि फेरि मगनी चोकबाट दुई सय मिटरभित्र बोलाएर लुटेको प्रहरीले जनाएको छ । राईले पैसा भएको झोला लिएर मोटरसाइकलमा भागेको प्रहरीले जानकारी दिएको छ । उनको खोजीकार्य भइरहेको छ ।
प्रतिक्रिया दिनुहोस्