काठमाडौं । दक्षिण कोरियाले क्वारेन्टाइनको नियम उल्लंघन गर्नेलाई एक करोड जरिवाना गर्ने भएको छ । दक्षिण कोरिया सरकारले नयाँ कानुनमार्फत कोरोना भाइरस नियन्त्रणको प्रयास जारी गरेसँगै यस्तो जरिवाना गर्ने भएको हो । उक्त कानुन अप्रिल ५ देखि लागू हुने बताइएको छ ।
कोरिया सरकारले कोरोना भाइसर नियन्त्रणका लागि तयार पारेको क्वारेन्टाइन कानुन उल्लंघन गर्नेमाथि कडाइ गर्ने कानुन ल्याएको अन्तर्राष्ट्रिय सञ्चारमाध्यमहरुले जनाएका छन् । सोही अनुसार क्वारेन्टाइनको कानुन उल्लंघन गर्नेलाई एक वर्ष जेल र एक करोड कोरियन मुद्रा (वन) जरिवाना लगाउने निर्णय गरेको बताईएको छ ।
