काठमाडौं – देवः विकास बैंकले सेयरधनीहरुलाई ८.५५% बोनस सेयर दिने भएको छ । बैंकको फागुन ३० गते बसेको सञ्चालक समिति बैठकले लगानीकर्तालाई ८.५५% बोनस सेयर वितरण गर्ने निर्णय गरेको हो ।

बैंकले आर्थिक वर्ष २०७५/०७६ को नाफाबाट हाल कायम चुक्ता पुँजीको २७ लाख १६ हजार रुपैयाँ बराबरको बोनस सेयर वितरण गर्न लागेको हो । प्रस्तावित बोनस नेपाल राष्ट्र बैंक र बैंकको अगामी साधारण सभाले पारित गरेपछि लगानीकर्ताले पाउनेछन् । हाल यस बैंकको चुक्ता पुँजी ३ अर्ब १७ करोड ७१ लाख रुपैयाँ रहेको छ ।