बीमा बहसका बारे
बीमा बहस नेपालको सबैभन्दा चर्चित बीमा सम्बन्धि टेलिभिजन कार्यक्रम हो । यो कार्यक्रम बिजनेश टेलिभिजनमा हरेक मंगलबार बेलुकी ८:३० बजे र बुधबार बिहान ७:३० बजे प्रशारण हुन्छ । आर्थिक क्षेत्रको अग्रणी सञ्चारमाध्यम अर्थ सरोकारको अनलाइन संस्करण अर्थ सरोकार डटकमले तयार गरेको यो कार्यक्रम बिजनेश टेलिभिजनसँगै अर्थ सरोकार डटकममा पनि प्रशारण हुन्छ । नेपालको बीमा क्षेत्रमा आफ्नो छुट्टै छाप छोड्न सफल बीमा बहस टेलिभिजन कार्यक्रमको सुरुवात २०७६ साल माघबाट सुरु भएको हो । झन्डै २-३ महिनाकै बीचमा कार्यक्रम बीमा क्षेत्रसँग सम्बन्धितहरु माझ निकै चर्चित बनिसकेको छ ।
बीमा बहस गण्डकी प्रदेश विशेष
देश संघीयतामा गएपनि काममा संघीयता कार्वान्वयन हुन सकेको छैन । अझ काठमाडौँ केन्द्रित कर्पोरेट सञ्चारमाध्यम त प्रदेशसम्म पुग्न नै सकेका छैनन् । त्यहि अभावलाई मध्यनजर गर्दै हामी प्रदेश प्रदेशमा पुग्दैछौँ । प्रदेशमा रहेका बीमासम्बन्धि सम्भावना र चुनौतीहरु खोतलेर हामी केन्द्रबाट सञ्चार खबरदारी र बीमा साक्षरताको महाअभियानमा जोडिने प्रयास गरिरहेका छौँ । हामी सातै प्रदेशमा पुग्नेछौं । सातै प्रदेशमा बीमासँग सम्बन्धित खुराकहरु दर्शक, स्रोतामाझ ल्याउनेछौँ ।
बीमा बहसमा आजका अतिथि : बिकास अधिकारी
बिकास अधिकारी अर्थात प्राइम लाइफ इन्स्योरेन्सका गण्डकी प्रदेश प्रमुख । लामो समय बीमा क्षेत्रमा काम गरिरहेका अधिकारी गण्डकी प्रदेशमा प्राइमलाईफ अब्बल रहेको बताउँछन् । मनाङ र मुस्ताङ छोडेर सबै भूगोलमा पुगेको प्राइमलाइफका गण्डकी प्रदेश प्रमुख अधिकारी जीवनबारे बुझाएर बीमा गर्दा खुसी लाग्ने बताउँछन् । बीमामा काम गरिरहँदा कसैको जीवन सुरक्षित पार्दा निकै गर्व लाग्ने गरेको बताउने उनीसँग हामीले गण्डकी प्रदेशमा बीमाका सम्भावना र चुनौतीहरुबारे कुराकानी गरेका छौं ।
