काठमाडौँ – कोरोना भाइरस हेटौंँडाबाट पनि हुने भएको छ । बागमती प्रदेशका सामाजिक विकासमन्त्री युवराज दुलालले सोमबारदेखि प्रदेश राजधानी हेटौंँडाबाटै कोरोना भाइरसको परीक्षण हुने जानकारी दिएका छन् । हेटौंँडाको कीटजन्यरोग अनुसन्धान केन्द्र (भिभिडी आरटिसी) मा रहेको प्रयोगशालालाई व्यवस्थित बनाएर कोभिड १९ को परीक्षण गरिने मन्त्री दुलालले बताए । जससँगै अब सोही ठाउँमा स्वाब संकलन गरी परीक्षण गर्ने र संक्रमित पाइएमा उपचारका लागि व्यवस्था गरिएको पनि उनले जानकारी दिए ।
प्रदेश नं २ का विभिन्न जिल्लालाई समेत पायक पर्नेगरी हेटौंडामा प्रयोगशाला सञ्चालन गर्न लागिएको मन्त्री दुलालले बताए । साथै उनले सबै आइसोलेशन कक्षमा सम्पूर्ण उपकरणसहितको चिकित्सक तथा स्वास्थ्यकर्मी व्यवस्था गरिएको पनि जानकारी दिए ।
