काठमाडौं । कोरोना भाइरसका कारण भारतमा मृत्यु हुने संख्या ३ पुगेको छ । महाराष्ट्रको कस्तुरबा अस्पतालमा ६४ वर्षीय एक वृद्धको मृत्युसँगै यो संख्या बढेर ३ पुगेको भारतको स्वास्थ्य विभागले जनाएको हो । यसअघि भारतको कर्नाटकमा ७६ वर्षीय पुरुष र नयाँदिल्लीमा ६९ वर्षीया महिलाको मृत्यु भएको थियो ।
भारतको स्वास्थ्य विभागका अनुसार कोरोना भाइरसको संक्रमणबाट भारतमा हालसम्म १२९ जनामा कोरोना भाइरसको संक्रमण देखिएको छ । महाराष्ट्रमा हालसम्म ३९ केसहरु बाहिर आएका छन् । जसमध्ये तीनजना विदेशी नागरिक रहेको भारतीय संचार माध्यमले जनाएका छन् ।
