मास्क कालोबजारीको पराकाष्टा : सतुंगलबाट ६ लाख थान मास्क बरामद…!

काठमाडौं । कोरोना भाइरस (कोभिड-१९) विश्वव्यापी रुपमा फैलिएसँगै मास्कमा कालोबजारी पनि उत्तिकै मौलाएको छ । प्रहरीले दिन प्रतिदिन लाखौँको संख्यामा मास्क बरामद गरिरहेको छ। जसले मास्कमा कालोबजारी बढिरहेको देखाउँछ।

सोही क्रममा काठमाडौंको सतुंगलबाट करिब ६ लाख थान सर्जिकल मास्क बरामद गरेको छ । यसअघि कपनबाट १ लाख ६८ हजार थान र डल्लुबाट ७८ हजार थान मास्क बरामद भएको थियो । शनिबारयता काठमाडौंबाट आठ लाख ४० हजार थान मास्क प्रहरीले बरामद गरिसकेको छ ।

आइतबार साँझ सतुंगलका रोहित श्रेष्ठको घरको गोदाममा लुकाएर राखिएको मास्क भेटिएपछि स्थानीय प्रशासनले सिलबन्दी गरेको थियो । सोमबार बिहान खोलेर गणना गर्दा १७५ वटा बोरामा ६ लाख बढी मास्क रहेको थाहा भएको थियो ।