काठमाडौँ – साताको कारोबारको तेश्रो दिन मंगलबार बजार बढेको छ। मंगलबार बजार खुल्ला भएको समयदेखि बजारमा व्यापक उतारचढाव भएसँगै नेप्से परिसूचक १४.३७ अंकले बढेर १५०९.६७ बिन्दुमा पुगेर बन्द भएको छ । 

नेपाल स्टक एक्सचेन्ज (नेप्से)का अनुसार कुल १ सय ८१ कम्पनीको ८२ लाख ११ हजार २ सय ८९ कित्ता सेयर खरिद बिक्री हुँदा ३ अर्ब ८५ करोडमाथिको कारोबार भएको छ । जसमा सबैभन्दा बढी कारोबार नेपाल लाइफ इन्स्योरेन्सको भएको छ । यस कम्पनीको कुल ४० करोड ५५ लाखमाथिको कारोबार भएको छ । त्यसपछि कारोबार क्रमश : एनएमबि बैंक र एनआइसी एसिया बैंकको भएको छ ।

यता, बिहिबार व्यापार, माइक्रोफाइनान्स र अन्य उपसुचक घटेका छन् भने बाँकी सबै उपसुचक बढेका छन् । त्यसैगरी सबैभन्दा धेरै मन्जुश्री फाइनान्स र नेपाल हाइड्एरो डेभलपरका लगानीकर्ताले कमाएका छन् भने सबैभन्दा धेरै स्वदेशी लघुवित्त र एनएमबी माइक्रोफाइनान्सका लगानीकर्ताले गुमाएका छन् । 

बजारमा व्यापक उतारचढाव भएपछि लगानीकर्ता भने अझै कन्फ्युजनमा छन्