काठमाडौं – नेपाल स्टक एक्सचेञ्ज (नेप्से) २ दिनको लागि बन्द हुने भएको छ । आइतबार र सोमबार दुवै दिन सरकारी बिदा परेकाले कारोबार बन्द हुने नेप्सेले जनाएको छ ।
आइतबार ११० औं अन्तर्राष्ट्रिय नारी दिवस परेको छ । नारी मुक्ति आन्दोलनकी अभियन्ता क्लारा जेट्कीनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर अन्तर्राष्ट्रिय श्रमिक महिला दिवस मनाउन थालिएको हो ।
सोमबार रंगको पर्व होली परेको छ । होलीको लागि सरकारले उपत्यकासहित पहाडी जिल्लामा सोमबार सार्वजनिक बिदा दिएको छ । योसँगै नेप्सेको कारोबार मंगलबारदेखि मात्रै बजार खुल्ने छ ।
