काठमाडौं । विश्वव्यापी रुपमा फैलिन थालेपछि नेपाल सरकारले नागरिकहरुलाई विदेश भ्रमणमा नजान आग्रह गरेको छ। सरकारले उक्त आग्रह गर्दै ट्राभल एड्भाइजरी (यात्रा चेतावनी) जारी गरेको हो ।
सरकारले विदेश भ्रमणको योजना नबनाउन देशबासीलाई अपील गरेको परराष्ट्रमन्त्री प्रदीप ज्ञवालीले बताए । उनकाअनुसार कोरोना भाइरसको गम्भीर संक्रमण देखिएका देशहरुमा भने अत्यावश्यक काममा बाहेक नजान नै आग्रह गरेको छ ।
यस्तै सरकारले कोरियामा इपीएल प्रणालीबाट कामदार नपठाउने निर्णय गरेको छ भने अध्ययनका लागि विदेश जान चाहने विद्यार्थीहरुलाई एनओसी (नो अब्जेक्सन लेटर) दिन रोक लगाइएको छ ।
यता सरकारले नेपाली नागरिकहरुलाई विदेश भ्रमणमा नजान आग्रह गरेसँगै ट्राभल कम्पनीहरुको व्यापार भने सुक्ने देखिएको छ।
