रामेछाप । नक्कली नोट दिएर गोरु किन्ने २ जना पक्राउ परेका छन् । जिल्ला प्रहरी कार्यालय र इलाका प्रहरी कार्यालय खाँडादेवीबाट खटिएको प्रहरी टोलीले उनीहरुलाई पक्राउ गरेको हो । प्रहरीले एक लाख २२ हजार नक्कली नोटसहित खाँडादेवी गाउँपालिका–१ का ढकलबहादुर तामाङ र सोही गाँउपालिका २ वडा लामागुफाका सार्की तामाङलाई पक्राउ गरेको जनाएको छ ।

उनीहरुले गाउँघरका सोझासाझा सर्वसाधारणलाई झुक्याएर गोरु खरिद गरी नक्कली नोटबाट भुक्तान गरेका थिए । विशेष सुचना पाएपछि प्रहरीले उनिहरुमाथी अप्रेशन चलाएको थियो । 

उक्त नक्कली नोट कहाँबाट कसरी रामेछाप पुग्यो ? भन्ने कुराको अनुसन्धान भईरहेको र नक्कली नोटको मुख्य कारोबारीसम्म पुग्ने गरी अनुसन्धान हुने जिल्लाका डिएसपी बसन्त पाठकले बताए ।