काठमाडौ। साढे पाँच वर्षदेखि फरार रहेकी साङ्डोमा शेर्पालाई केन्द्रीय अनुसन्धान व्यूरो (सिआइबी)को टोलीले पक्राउ गरेको छ । विदेशी मुद्रा अपचलन गरेकी शेर्पालाई सिआइबीले आइतबार राजधानीको स्वयम्भूबाट पक्राउ गरेको हो ।
सिन्धुपाल्चोक भोटेकोशी गाउँपालिका – ३ बस्ने ३७ बर्षिया प्रतिवादी शेर्पालाई सिन्धुपाल्चोक जिल्ला अदालतले २०७१ साउन २० गते उनलाई ६८ लाख ६२ हजार ४ सय १३ रूपैयाँ ६० पैसा जरिवाना हुने ठहर गरेको थियो । त्यसपछि उनी फरार रहेकी थिन् । प्रहरीले भने उनलाई खोजीको सूचीमा राखेको थियो । जस अनुसार सिआइबीले उनलाई पक्राउ गर्न सफल भएको छ । उनलाई फैसला कार्यान्वयनका लागि केन्द्रिय कारागार सुन्धारा पठाइएको प्रहरीले जनाएको छ।
