काठमाडौं । यतिबेला विश्वभर कोरोना भाइरस (कोभिड-१९)ले महामारीको रुप लिएको छ । व्यापार व्यवसाय देखि हरेक कुरामा ठप्प रहेका छन् । यस्तै सरकारले अत्यावश्यक कामबाहेक घरबाट बाहिर नजान आग्रह गरेको छ । सरकारले भने अनुसारनै आइतबारदेखि काठमाडौं उपत्यकाका अधिकांश व्यापारिक मलहरु बन्द भएका छन् । सरकारले अत्यावश्यक बाहेकका सबै क्षेत्र बन्द गर्न भने पछि काठमाडौं उपत्याकका व्यापारिक मलहरु आइतबारदेखि बन्द भएका हुन् ।

काठमाडौंका सिभिल मल, विशाल बजार, पिपुल्स प्लाजा, काठमाडौं मल, रञ्जना ट्रेड सेन्टर लगायतका मलहरु बन्द भएका हुन् । सिभिल मल व्यवसायी संघका अध्यक्ष रत्न घिमिरेले शनिबार औपचारिक निर्णय नै गरेर आइतबारदेखि सबै व्यवसाय बन्द गरिएको जानकारी दिए । यस्तै विशाल बजार तथा रन्जना ट्रेड सेन्टर पनि आइतबारदेखि बन्द भएको छ । नेपाल राष्ट्रिय व्यवसायी महासंघका अध्यक्ष नरेश कटुवालले मलहरुका साथै न्यूरोड, महावौद्ध लगायतका क्षेत्रका होलसेल पसलहरु पनि बन्द भएको बताए । 

कटुवालक अनुसार आज अधिकांश पसलहरु बन्द भईसकेका छन् । केहि पसल आज खुलेका छन् ती पनि भोलिबाट बन्द हुने ।’ उनले भने ‘अत्यावश्यक व्यवसायहरु भने बन्द हुँदैनन् ।’