एस बैंकका सञ्चालक राणा कपुरको घरमा सरकारी निकायले छापा मारेको छ । अकुत सम्पत्ति लुकाएको अभियोगमा भारतको प्रवर्तन निर्देशनालयले शुक्रबार एस बैंकका संस्थापक कपुरको घरमा छापा मारेको हो । संस्थापक कपुर विरुद्ध मुद्दा दर्ता भएपछि मुम्बइमा रहेको उनको महलमा छापा मारेको हो ।
उनीहरुले सबुत जुटाउनका लागि छापा मारेको बताएका छन् । उनको घरमा छापा मार्नु अघि केन्द्रीय अर्थमन्त्री निर्मला सितारमणले बैंकमा सर्वसाधरणको लगानी सुरक्षित रहेको बताएका थिए ।
