काठमाडौं । नेपालामा रहेका नेदरल्यान्डका नागरिक स्वदेश फिर्ता भएका छन् । काठमाडौँबाट नेदरल्यान्डका नागरिक मलेसिया एयरलाइन्सको जहाजमार्फत नेदरल्यान्ड फिर्ता भएका छन् । नेदरल्यान्डका १ सय २२ जना यात्रु बोकेर जहाज युरोपका तर्फ उडेको त्रिभुवन अन्तर्राष्ट्रिय विमानस्थल कार्यालयले जनाएको छ ।

यसअघि फ्रान्स, जर्मीनी लगायतका युरोपेली देशसहित अमेरिका, अस्ट्रेलिया लगायतका मुलुकले पनि आफ्ना नागरिकलाई विमान चार्टर गरेर फिर्ता लगेको थियो । यता बिहिबार नेपाल एयरलाइन्सको वाइडबडी मेडिकल सामग्री लिन चीन उडेको विमानस्थलले जनाएको छ । अष्ट्रेलियाका नागरिक बोकेर बुधबार साँझ अष्ट्रेलिया गएको नेपाल एयरलाइन्स पनि आजै साँझ काठमाडौं फर्किने छ ।