• अर्थ सरोकार सम्बाददाता 

काठमाडौं – विश्वव्यापी महामारीको रुप लिएको कोरोना भाइरस संक्रमणका कारण अमेरिकामा ज्यान जानेको संख्या सबै क्षेत्रमा भन्दा बढी रहेको छ । अमेरिकामा अहिलेसम्ममा ३२ हजार ८ सय ६८ जनाको मृत्यु भएको छ । अमेरिकाको न्यूयोर्कमा मात्रै मृतकको संख्या ११ हजार ४ सय ७७ छ ।

जोन हप्किन्स विश्वविद्यालयबाट प्राप्त भएको तथ्यांकअनुसार अमेरिकामा कोरोना संक्रमितको संख्या ६ लाख ६७ हजार २ सय २५ पुगिसकेको छ । अमेरिकामा चार साताको अवधिमा २ करोड १० लाख जनाको जागिर गुमेको छ । अमेरिकामा बेरोजगारीको आँकडामा यो नयाँ रेकर्ड हो ।

अमेरिकी श्रम विभागका अनुसार देशभर ११ अप्रिलसम्म ५२ लाख जना बेरोजगार भएका थिए । त्यसयता ६६ लाख जनाको जागिर गुम्यो । यस महिनाको अन्तसम्ममा अमेरिकामा बेरोजगारीको दर २० प्रतिशतसम्म पुग्ने अनुमान गरिएको छ ।