- अर्थ सरोकार सम्बाददाता
काठमाडौँ – अष्ट्रेलियाको भिक्टोरिया राज्यमा रहेका अन्तर्राष्ट्रिय विद्यार्थीहरुले ११ सय डलरसम्म राहत पाउने भएका छन् । राज्यका जब मिनिष्टर मार्टिन पाकुलाले दिएको जानकारी अनुसार कोरोना भाइरसको कारण जागिर गुमाएर आर्थिक संकटमा परेका अन्तर्राष्ट्रिय विद्यार्थीहरुले ११ सय डलर पाउने भएका हुन् ।
अन्तर्राष्ट्रिय विद्यार्थीहरुको सहयोगको लागि भिक्टोरिया राज्य सरकारले ४ करोड ५० लाख डलरको बजेट स्वीकृत गरिसकेको छ । गरेको छ । राज्यमा रहेका १ लाख ५० हजार अन्तर्राष्ट्रिय विद्यार्थीमध्ये ४० हजार विद्यार्थीलाई राहत दिनको लागि बजेट स्वीकृत भएको हो ।
यो रकम एकै पटकमा अन्तर्राष्ट्रिय विद्यार्थीहरुलाई दिइन लागेको हो । मन्त्री पाकुलाका अनुसार राहत दिन लागिएको रकम जब सिकर पेमेन्टको दुई सातामा दिइने खर्च बराबर हुनेछ ।
