×

Live on

रेडियो अर्थ सरोकार

Listen to live radio.

‘लकडाउन’का कारण अवरुद्ध भएका सबै खोप सेवा सुरु…

GLOBAL IME BANK
KAMANA SEWA BIKAS BANK

‘लकडाउन’का कारण अवरुद्ध भएका सबै खोप सेवा सुरु…

१५ बैशाख २०७७, सोमबार

पढ्न लाग्ने समय: १ मिनेटभन्दा कम

बैतडी – लकडाउनका कारण रोकिएको खोप सेवा बैतडीमा पनि सुरु भएको छ । स्वास्थ्य सेवा विभागले नियमित खोप सेवा शुरु गर्ने परिपत्र गरेसँगै जिल्लामा नियमित खोप सेवा शुरु भएको हो । बालबालिकालाई जन्मेदेखि १५ महिनासम्म दिइने विभिन्न खोप तालिका अनुसार दिने कार्य शुरु गरिएको स्वास्थ्य कार्यालय बैतडीका खोप सुपरभाइजर निरीक्षक हरिश भट्टले जानकारी दिनुभयो । बैतडीमा ३३१ खोपकेन्द्रबाट खोप सेवा सञ्चालन गरिएको स्वास्थ्य कार्यालयले जनाएको छ ।
बालबालिकाहरुलाई जन्मेदेखि १५ महिनाभित्र विभिन्न रोगविरुद्ध ११ प्रकारका खोप दिइन्छ । बालबालिकालाई बिसिजी, डिपिटी, दादुरा–रुबेला, एफआइपिभी, पोलियो, जापनिज इन्सेफलाइट्सि र पिसीभी खोप १५ महिनाभित्र दिने गरिन्छ । यी खोपले बालबालिकालाई विभिन्न रोग लाग्नबाट बचाउने गर्दछ । 
लकडाउनको समयमा अवरुद्ध भएका सबै खोप सेवा सञ्चालन भएको स्वास्थ्य कार्यालयले जनाएको छ । यस्तै गर्भवती महिलालाई लगाइने टिडी खोप पनि सञ्चालन भएको खोप सुपरभाइजर निरीक्षक भट्टको भनाइ छ ।
CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: