• अर्थ सरोकार सुदुरपश्चिम ब्युरो 

बझाङ । जताततै कोरोनाको त्रास छ । कोरोना संक्रमण रोक्न सरकारले देशभर लकडाउन गरेको छ । तर यहि बेला बझाङमा भने रमिता छ। स्थानीयले चैत ११ गते जंगलबाट रुखको काकर काटेर ल्याइ मेलाको सुरुवात गरी अष्टमीको दिन बोकाको बली चढाएर सोमबार मेलाको समापन भव्य रुपमा गरेका हुन् । काकर सेलाउने भनेर मेलाको समापन गर्ने परम्परा अनुसार नागरिक जम्मा भएर मेला लगाएका जयपृथ्वी नगरपालिकाका स्थानीय रिदम सिंहले बताए । 

११ गते घर बाट सबैले लिंगो बनाएर मेला लगाउने प्रशासनलाई जानकारी भएको र स्थानीयले मनाउने तयारी गरेपनि आफूले रोक्न आदेश दिएको बझाङका प्रमुख जिल्ला अधिकारी उमेश पाण्डेयले बताए । तर बझाङ सरकारको निर्णय उल्लङ्घन गर्ने काम रोकिएन । र अन्तत: त्यहाँबाट कोरोना संक्रमित बढ्ने संकेत देखिएको छ ।