चीनको हुबे प्रान्तमा पर्ने उहान सहरमा लगाइएको लकडाउन हटाइएसँगै जनवरी २३ तारिखदेखि कतै हिँडडुल गर्न नपाएका नागरिक अन्य स्थानमा आवतजावन गर्न पाएका छन् । तर त्यसका लागि स्मार्टफोनमा रहेको स्वास्थ्यसम्बन्धी एपमा ‘हरियो’ कोड देखिएको हुनुपर्छ।

अहिले उहानमा यातायातका सबै साधन सञ्चालन भएको  बताइएको छ । सोमबार चीनमा कोरोना भाइरसका कारण कसैको पनि मृत्यु नभएपछि उहानको लकडाउन हटाइएको हो । १ करोड १० लाख मानिस बसोबास गर्ने उहानमा सबैजसो व्यापार/व्यवसाय बन्द गर्न निर्देशन दिइएको थियो। उक्त शहरमा एक करोड १० लाख मानिसको बसोबास छ ।

चीनमा भाइरसका ८२ हजारभन्दा धेरै संक्रमित भेटिइसकेका छन् । साथै भाइरसबाट अहिलेसम्म चीनमा तीन हजार तीन सयभन्दा धेरै मानिसको मृत्यु पनि भइसकेको छ । तर, पछिल्लो समय चीनमा निरन्तर नयाँ संक्रमितको संख्यामा कमी आइरहेको छ ।