काठमाडौँ – नागरिक लगानी कोषका सेवाग्राहीले ब्याजमा छुट पाउने भएका छन् । कोषमा नियमित कोष कट्टी गर्ने सेवाग्राहीहरुले लिएको आवास कर्जा, सरल कर्जा तथा शैक्षिक कर्जामा तोकिएको समयमा ब्याज भुक्तानी गर्ने सहभागीहरुलाई हाल छुट प्रदान गर्ने गरिएको ब्याज रकममा सो छुट समेत गरी चैतदेखि २०७७ असारसम्मको ब्याज २०७७ असारभित्र बुझाएमा सो अवधिमा पाकेको ब्याज रकममा १० प्रतिशत छुट प्रदान गरिने भएको हो।

कोषको सञ्चालक समितिको बिहीबार बसेको बैठकले विश्वव्यापी महामारीको रुपमा फैलिएको कोरोना भाइरस( कोभिड(१९) को संक्रमणको अवस्थालाई मध्यनजर गर्दै सो निर्णय गरेको हो।

त्यसैगरी कोषमा नियमित रुपमा रकम जम्मा गरी कर्मचारी बचत वृद्धि स्वीकृत अवकाश कोष, उपदान कोष तथा लगानीकर्ता हिसाब योजनामा सहभागी भएका सेवाग्राहीलाई कोरोना भाइरसबाट संक्रमित भई मृत्यु भएको प्रमाणित भएमा निजको हकवालालाई क्षतिपूर्ति वापत २ लाख रुपैया प्रदान गर्ने निर्णय पनि भएको छ ।

यस्तो विषम परिस्थितिमा गरिएको निर्णयले सेवाग्रहीलाई सहयोग पुग्ने अपेक्षा कोषले गरेको छ ।