• अर्थ सरोकार सम्बाददाता 

काठमाडौं – कोरोना भाइरका कारण अमेरिकामा मृत्यु हुनेको संख्या २४ हजार नजिक रहेको छ । अमेरिकामा पछिल्लो २४ घण्टामा १५ सय भन्दा बढीले ज्यान गुमाएका छन् । अमेरिकामा मृत्यु हुनेको संख्या २३ हजार ६ सय ४४ पुगेको छ। वल्डोमिटरको तथ्यांक अनुसार अमेरिकामा संक्रमितको संख्या ५ लाख ८७ हजार १७३ पुगेको छ ।  २४ घण्टामा अमेरिकामा २६ हजार भन्दा बढी संक्रमित थपिएका छन्।

त्यस्तै इटालीमा मृतकको संख्या २० हजार नाघेको छ । इटालीमा मृत्यु हुनेको संख्या २० हजार ४ सय ६५ पुगेको छ भने संक्रमितको संख्या १ लाख ६० हजार नजिक छ । स्पेनमा १७ हजार भन्दा बढीले ज्यान गुमाएका छन्। स्पेनमामा १७ हजार ७७६ ले ज्यान गुमेका छन् भने बेलायतमा ११ हजार ३२९ ले ज्यान गुमाएका छन् । 

विश्वमा मृतकको संख्या १ लाख १९ हजार ७५८ रहेको छ भने १९ लाख २९ हजार भन्दा बढी संक्रमित छन्। विश्वभर ४ लाख २३ हजार भन्दा बढी निको भएर घर फर्किसकेका छन्।