- अर्थ सरोकार सम्बाददाता
काठमाडौँ – अमेरिकामा दिनानुदिन मृत्यु हुनेको संख्या बढ्दै गइरहेको छ । अमेरिकामा अहिलेसम्म ज्यान जानेको संख्या ६१ हजार नाघेको छ । अमेरिकामा पछिल्लो २४ घण्टामा २३ सय ५२ जनाले ज्यान गुमाएका छन् । साथै, २७ हजार पाँच सय ८६ जना नयाँ संक्रमित थपिएका छन्।
अमेरिकामा कुल संक्रमितमध्ये १ लाख ४७ हजार १ सय १४ जना उपचारपछि निको भएर घर फर्किएका छन् । अमेरिका पछि धेरै इटालीमा कोरोना भाइरसका कारण ज्यान गुमाएका छन् । त्यहाँ २७ हनार ६ सय ८२ जनाको मृत्यु भएको छ। इटालीमा २ लाख ३ हार ५ सय ५१ जना संक्रमित छन्।
बेलायतमा कोरोना भाइरसबाट मृत्यु हुनेको संख्या २६ हजार नाघेको छ। कोरोना भाइरसबाट मृत्यु हुनेको संख्या मार्च २ यता २६ हजार ९७ पुगेको बेलायतको स्वास्थ्य मन्त्रलायले जनाएको छ। तथ्यांक अनुसार पछिल्लो एक दिनमा बेलायतमा सात सय ६५ जनाको कोरोना भाइरसको कारण मृत्यु भएको हो।
बेलायतमा १ लाख ६५ हजार २ सय २१ जना संक्रमित रहेका छन्। स्पेनमा मृत्यु हुनेको संख्यामा केही कमी आएको छ। त्यहाँ विगत २४ घण्टामा ४ सय ५३ जनाले ज्यान गुमाएका छन्। हालसम्म स्पेनमा २४ हजार २ सय ७५ जनाको मृत्यु भइसकेको छ।
फ्रान्समा २४ हजारको ज्यान गएको छ। त्यहाँ एक लाख ६६ हजार ४ सय २० जनामा संक्रमण भेटिएको छ। अर्को अमेरिकी देश ब्राजिलमा केहि दिनदेखि तीव्र रुपमा फैलिदै गएको यो भाइरका कारण एकै दिन ४ सय ४८ जनाले ज्यान गुमाएको वल्डोमिटरले सार्वजनिक गरेको तथ्यांकमा छ।
विश्वभरमा कोरोना संक्रमितको संख्या ३२ लाख नाघेको छ। आज विहान सम्म विश्वमा ३२ लाख १९ हजार २ सय ३५ जनामा संक्रमण भेटिएको छ। २ लाख २८ हजार १ सय ८९ जनाको ज्यान गइसेको छ। त्यस्तै १० लाख भन्दा धेरै मानिस निको भएर घर फर्किएका छन्।
