- अर्थ सरोकार सम्बाददाता
काठमाडौँ – कोरोना भाइरसबाट अमेरिकामा एकै दिन २ हजार ३ सय ४१ जनाको मृत्यु भएको छ । अमेरिकामा मृतकको संख्या ४७ हजार ६ सय ५९ पुगेको छ । ८ लाख ४८ हजार ७ सय १७ जना संक्रमित छन् । अमेरिकामा एकै दिन ३० हजार नयाँ बिरामी थपिएका छन् ।
यस्तै विश्वभर विगत २४ घण्टामा ६ हजाार पाँच सय भन्दा बढीको ज्यान गएको छ । उक्त अवधिमा करिब ८० हजार नयाँ बिरामी उपचारको लागि अस्पताल पुगेका छन् । इटालीमा २५ हजार ८५ जनाको मृत्यु भएको छ।
यस्तै स्पेनमा २१ हजार ७ सय १७ को ज्यान गएको छ भने २ लाख आठ हजार ३ सय ८९ संक्रमित छन् । फ्रासमा २१ हजार ३ सय ४० जनाको ज्यान गएको छ भने त्यहा संक्रमितको संख्या १ लाख ५९ हजार रहेको छ । बेलायतमा मृततको संख्या १८ हजार नाघेको छ भने १ लाख ३३ हजार भन्दा बढीमा संक्रमण छ ।
वर्ल्डोमिटर्सको तथ्याङ्कअनुसार बुधबार विश्वभर कोरोना भाइरसका कारण मृत्यु हुनेको संख्या १ लाख ८४ हजार २८३ छ। विश्वभर संक्रमितको संख्या २६ लाख ३९ हजार नाघेको छ भने ७ लाख २२ हजार बढी मानिस निको भएर घर फर्किएका छन्।
