• अर्थ सरोकार सम्बाददाता

काठमाडौँ –  नेपालमा छुटेका ब्राजिलका ३४ भन्दा बढी नागरिक लिएर नेपाल एयरलाइन्सको न्यारोबडी जहाज दिल्ली उडेको छ । नेपालस्थित ब्रजिलियन दूतावासले जहाज चार्टर्ड गरेको हो । ब्रजिलियन नागरिकलाई नयाँदिल्ली पुर्‍याएर जहाज आजै साँझ ५ः०० बजे काठमाडौं फिर्ता हुने त्रिभुवन अन्तराष्ट्रिय विमानस्थल कार्यालयले जनाएको छ ।

ब्राजिलले भारतबाट पनि आफ्ना नागरिक फिर्ता लाने हुनाले सोही बेला नेपालमा रहेका ब्राजिलका नागरिकलाई समेत दिल्लीबाट ब्राजिल उडाउन लागिएको हो । लकडाउनका अवधिमा करीव ४ हजार विदेशी नागरिक फिर्ता भइसकेका छन् । सबैभन्दा बढी उडान गर्ने कतार एयरवेजको १० उडानपछि निगम दोस्रो स्थानमा छ । निगमले यो अवधिमा पाँच वटा अन्तरराष्ट्रिय उडान भरेको छ ।