• अर्थ सरोकार सम्बाददाता 

दाङ –  दाङमा कोरोना भाइरसबारे अफवाह फैलाउने एक जनालाई प्रहरीले पक्राउ गरेको छ । दाङमा पनि एकजना कोरोना सङ्क्रमित भेटिएको भनेर मंगलबार फेसबुकमा स्टाटस राखेको भन्दै जिल्ला प्रहरी कार्यालय दाङले पक्राउ गरेको हो । जिल्ला प्रहरी कार्यालय दाङका प्रहरी नायब उपरीक्षक सुमित खड्काका अनुसार दाङको घोराही उपमहानगरपालिका–१५ निवासी २८ वर्षीय दीपक न्यौपानेलाई पक्राउ गरिएको हो ।

 

यस्तै भारतबाट तरकारी आयात गरेपछि दाङको तुलसीपुर उपमहानगरपालिकाले संचालनमा ल्याएको तरकारी बजार आज बन्द गरिएको छ । तुलसीपुर उद्योग वाणिज्य संघका अध्यक्ष वीरबहादुर रावतका अनुसार कोरोना भाइरसको संक्रमणलाई ध्यानमा राख्दै भारतबाट तरकारी आयात नगर्ने निर्णय विपरित तरकारी फलफूल आयात भएपछि तुलसीपुर-६ स्थित बजार सिल गरिएको छ ।