Skip to content

वीरगञ्जमा पाइप उद्योगको गोदाममा आगलागी, यस्तो छ क्षतिको विवरण

Dish Home

अर्थ सरोकार

६ वर्ष अगाडि

  • अर्थ सरोकार सम्बाददाता 
वीरगञ्ज । वीरगञ्जमा पाइप उद्योगको गोदाममा आगलागी भएको छ । वीरगञ्ज–१३ तेजारथ टोल स्थित मनकामना पाइप उद्योगको गोदाममा आगलागी भएको हो । 
गोदाममा आगलागी हुँदा करिब १० लाख मूल्य बराबरको क्षति भएको बताइएको छ ।  जिल्ला प्रहरी कार्यालय पर्साका प्रवक्ता प्रहरी नायब उपरीक्षक विरेन्द्र बहादुर शाहीले दिएको जानकारी अनुसार आगलागीबाट एक थान मोटरसाइकलसमेत जलेको छ भने गोदम आसपासका घरका झ्यालहरुमा सामान्य क्षति पुगेको छ ।
दिउँसो १ बजेतिर लागेको आगो वीरगञ्ज महानगरपालिकाको २ वटा वारुण यन्त्र, सुरक्षाकर्मी र स्थानीयको सहयोगमा एक घण्टामा नियन्त्रणमा लिइएको थियो । सञ्चालक विनय नेपालका अनुसार गोदाममा कामना र मनकामना प्लाष्टिक पाइप फ्याक्ट्रीबाट उत्पादित पाइप राखिएको थियो । आगलागी कसरी भयो भन्ने बारे  थप अनुसन्धान भइरहेको प्रहरीले जनाएको छ ।
Hamro Patro Remit

प्रतिक्रिया दिनुहोस्