- अर्थ सरोकार सम्बाददाता
काठमाडौं : प्रहरीले काठमाडौं उपत्यकाबाट शुक्रबार(आज) बिहानै लक डाउन उल्लंघन गर्ने १ हजार १ सय ४९ जनालाई नियन्त्रणमा लिएको छ । बिहान ९ बजेसम्ममा काठमाडौंबाट ९ सय २१ जना, ललितपुरबाट १ सय ७७ जना र भक्तपुरबाट ४४ जनालाई नियन्त्रणमा लिएको प्रहरीले जनाएको छ ।
लक डाउनका बेला अत्यावश्यक बाहेकका कामका लागि निस्कन नपाइने भएकाले उनीहरुलाई नियन्त्रणमा लिएको प्रहरीको भनाइ छ । सोधपुछका क्रममा अत्यावश्यक कामका लागि निस्किएको पाइएमा भने छाड्ने गरिएको छ । यस्तै, प्रहरीले लक डाउन उल्लंघन गर्ने १ सय ७ वटा गाडी नियन्त्रण लिएको जनाएको छ । नियन्त्रणमा लिइएको गाडी साँझमात्रै छाडिनेछ ।
प्रतिक्रिया दिनुहोस्