• अर्थ सरोकार सम्बाददाता 

काठमाडौं । शुक्रबार पनि नेपाल आयल निगमले खाना पकाउने ग्याँस देशैभर वितरण गर्ने भएको छ । निगमले काठमाडौं उपत्यकासहित सबै जिल्लाहरुमा वितरण गरिने ग्याँसको विवरण सबै उद्योगले निगममा पठाएका छन् । शुक्रबार काठमाडौं उपत्यकामा मात्रै ओम ग्याँसले २२ वटा डिपोमार्फत दुई हजार ४० सिलिण्डर ग्याँस वितरण गर्नेछ । निगमका अनुसार नेपाल ग्याँस कम्पनीअन्तर्गतको नारायणीबाट चार हजार एकसय ४१ सिलिण्डर ग्याँस देशभर वितरण हुनेछ भने सोही कम्पनीको नेपाल ग्याँस पनि उपत्यकाका ६३ डिपोमार्फत् छ हजार चार सय ८० सिलिण्डर वितरण गरिनेछ ।