काठमाडौं । इन्डानेसियामा सरकारले कोरोना भाइरस नियन्त्रणको लागि लगाएको नियम मिच्दै सयौं मानिस रमजानका लागि भेला भएका छन् । इन्डोनेसियाको अचे प्रान्तमा सयौंको संख्यामा मानिसहरु बिहीबार रमजान मनाउन भेला भएका हुन् । यो प्रान्तलाई इन्डोनेसियाको सबैभन्दा धेरै अन्धविश्वास व्याप्त भएको प्रान्त मानिन्छ । बिहीबार रमजान मनाउने क्रममा मानिसहरुले कुममा कुम जोडेर प्रार्थना गरेका थिए । साँझको समयमा गरिने यस किसिमको प्रार्थनालाई तरावीह भनिन्छ । उनीहरु यो प्रार्थनाको लागि बैतुररहमान ग्राण्ड मस्जिदमा भेला भएका थिए । यहाँ सहभागी भएका केही मानिसले मात्र मास्क लगाएका थिए ।
यो प्रार्थनामा सहभागी एक सिती रमजानले आफूहरु कोरोना भाइरसको महामारी छिटै अन्त्य होस् भनी अल्लाहसँग प्रार्थना गरिरहेको बताए । उनले आफूहरुले गरेको प्रार्थना अल्लाह पनि सुनेर त्यसको जवाफ दिने आफ्नो विश्वास रहेको पनि उनले सुनाए । पछिल्लो समय विश्वभर बढीरहेको भाइरसको महामारी रोक्न इन्डोनेसियाको सरकारले सबै किसिमको भेलामा रोक लगाएको छ । -अलजजीरा
