अर्थ सरोकार संबाददाता 

जनकपुर । प्रदेश २ को प्रादेशिक अस्पताल जनकपुरधाममा कोरोना भाइरसको परीक्षण सुरु भएको छ ।जनकपुरधाममा स्थापना गरिएको पीसीआर मेसिनबाट परीक्षण सुरु भएको अस्पतालका मेडिकल सुपरिटेन्डेन्ट डा. नागेन्द्रप्रसाद यादवले जानकारी दिए । उनका अनुसार, मेसिन जडानसँगै प्राविधिकहरू पनि तयारी अवस्थामा बसिसकेका छन् । अब आउने शंकास्पद व्यक्तिको स्वाब लिएर यही परीक्षण गरिने उनले बताए । दैनिक १० वटासम्म स्याब परीक्षण गर्न सकिने उनले जानकारी दिए ।

मेसिन जडान गरिएपछि प्रदेश २ का सामाजिक विकासमन्त्री नवल किशोर साहले शुक्रबार बिहान निरीक्षण गरेका थिए । उनले निरीक्षण गरेसँगै मेसिन सञ्चालनमा ल्याइएको छ ।