कैलाली । शनिबार कैलाली कोरोना संक्रमित भएको पुष्टी भएका २१ वर्षीय युवक भारतबाट फर्किदा गौरीफन्टा नाकामा जम्मा भएको एक हजार जनाको भिडमा सँगै रहेको बताइएको छ । सरकारले लकडाउन घोषणा गरेपछि भारतबाट फर्किएकाहरूको उक्त भिडमा रहेका उनी युवामा कोरना पुष्टी भएसंगे सुदुरपश्चिममा अब के हुन्छ भन्ने प्रश्न उठेको छ ।
नेपालमा कोरना संक्रमण फैलिन नदिन सरकारले चैत १० गतेदेखि लकडाउन र सीमा नाका बन्द गरेपछि उनीहरु कैलालीको गौरीफन्टा नाका भएर फर्किएको खुलासा भएको हो । चैत ११ गते नेपाल प्रवेश गर्नुपर्ने माग गर्दै गौरीफन्टामा भएको नाराबाजी र आन्दोलनमा उत्रिएको भिडमा शनिबार कोरना संक्रमित भेटिएका युवा रहेको खुलासा भएपछि सुदुरपश्चिममा अहिले त्रास बढेको छ । तर सरकारले भने सबैलाई नआत्तिन आग्रह गरिरहेको छ । यस्तो बेला संयमित बन्नसमेत सबैलाई आग्रह गरिएको छ ।
११ गते गौरीफन्टा नाकाबाट गाडीको व्यवस्था गरी विभिन्न ठाउँ पठाएका यात्रुहरुको लिस्टममा उनको पनि नाम समावेश रहेको जिल्ला प्रहरी कार्यालय कैलालीले जनाएको छ । ११ गते झन्डै १००० जनालाई प्रहरीले २१ वटा बस मार्फत गन्तव्यमा पठाएको थियो। तर त्यति बेला घर पठाइएका मध्ये अधिकांस क्वारेन्टाईनमा नबसेको समेत जनाइएको छ ।
