- अर्थ सरोकार सम्बाददाता
बुटवल । कोरोना भाइरसको आशंकामा भैरहवाको भीम अस्पतालमा एक पुरुषलाई भर्ना गरिएको छ ।मायादेवी गाउँपालिका १ का ५८ वर्षका एक पुरुषलाई भैरहवास्थित भीम अस्पतालको आइसोलेसनमा कक्षमा राखिएको हो । भीम अस्पतालका सूचना अधिकारी गोपाल उपाध्यायका अनुसार उनलाई करिब १२ दिनदेखि ज्वरो आएको र केही दिनदेखि खोकी, सास फेर्न ग्राहो हुने तथा पखाला लागेपछि आइसोलेसनमा कक्षमा राखिएको हो ।
सोमबार बिहान स्वास्थ्य परीक्षण गराउन आएका उनलाई कोरोना भाइरससँग मिल्दोजुल्दो लक्षण देखिएपछि आइसोलेसन कक्षमा रखिएको हो । उनको स्वाब मंगलबार भैरहवाको अञ्चलपुरस्थित गहुँबाली अनुसन्धान केन्द्रमा कोरोना भाइरस परीक्षण प्रयोगशालामा पठाइने बताइएको छ ।
