- अर्थ सरोकार सम्बाददाता
विराटनगर – प्रदेश नं १ मा कोरोना संक्रमितको सङ्ख्या २८ पुगेको छ । प्रदेश नं १ मुख्यमन्त्री तथा मन्त्रिपरिषद्को कार्यालयमा स्थापित सूचना डेस्कले कोरोना संक्रमितको सङ्ख्या २८ पुगेको जनाएको हो । जसमा १६ नेपाली र १२ जना भारतीय नागरिक छन् ।
उनीहरुको उदयपुरको त्रियुगा नगरपालिका–३ भुल्केबाट थ्रोट स्वाब नमूना सङ्कलन गरी परीक्षण गरिएको थियो ।संक्रमित सबैको उपचार विराटनगर–१० स्थित कोशी अस्पताल कोभिड–१९ उपचार केन्द्रमा भइरहेको र स्वास्थ्य अवस्था सामान्य रहेको अस्पतालले जनाएको छ ।
प्रदेशमा हालसम्म ८२३ जनाको स्वाब पिसीआर विधिबाट परीक्षण गरिएको छ भने आरडिटी विधिबाट तीन हजार ५९२ जनाको रगतको नमूना सङ्कलन गरिएको छ । उक्त प्रदेशमा आइसोलेसन श्ययामा बस्नेको सङ्ख्या ३४ रहेको छ भने क्वारेन्टाइनमा एक हजार ७० छन् ।
