काठमाण्डौ । प्रधानमन्त्री केपी शर्मा ओलीले लकडाउन तत्काल नखुल्ने प्रष्ट पारेका छन् । आज सातैवटा प्रदेशका मुख्यमन्त्रीहरुसँग पालैपालो भिडियो कन्फरेन्स गरेका ओलीले लकडाउन हतारामा खोलेर गल्ती नगरिने प्रष्ट पारेका उनको सचिवालयले जनाएको छ । उनले बिहान ११ बजेदेखि करिब ४ बजेसम्म मुख्यमन्त्रीहरुसँग भिडियो कन्फरेन्स गरेका थिए ।
भारतले कम्तीमा २ हप्ताले लकडाउनको अवधि लम्ब्याउन खोजिरहेको छ । प्रधानमन्त्री ओलीले मूख्यमन्त्रीहरुलाई कोरोना भाइरस संक्रमण फैलन नदिनका लागि सकेसम्म कडाई गर्न, सीमा क्षेत्रमा थप कडाई गर्न समेत निर्देशन दिएका छन् ।
प्रधानमन्त्रीलाई उद्धृत गर्दै स्रोतले भन्यो-‘लकडाउन भनेपछि लकडाउन । नो एक्सक्यूज, नो कम्प्रोमाइज ।’
