काठमाडौं – सरकारले लागू गरेको लकडाउन उल्लंघन गरेको आरोपमा बुधबार बिहान प्रहरीले एक हजार एक सय ५८ जनालाई उभ्याएको छ ।
कोरोना भाइरसको रोकथामका लागि नेपाल सरकारले लागू गरेको लकडाउन उल्लङ्घन गर्ने व्यक्ति र सवारी साधनलाई महानगरीय ट्राफिक प्रहरी महाशाखा काठमाडौँले उपत्यकाका विभिन्न स्थानमा उनीहरुलाई उभ्याएर सचेतनामूलक परीक्षण दिइएको हो ।
महानगरीय प्रहरी आयुक्तको कार्यालय, रानीपोखरीका अनुसार लकडाउन उल्लंघन गर्नेमा १ सय ६८ जना महिला र ९ सय ९० जना पुरुष छन् । यो अवधिमा एक सय ५३ वटा सवारीसाधन पनि होल्ड गरिएका छन् ।
