- अर्थ सरोकार सम्बाददाता
भक्तपुर । भक्तपुर नगरपालिकाले नगरभित्र लकडाउनको समयमा पनि भिडभाड हुन थालेपछि प्रहरीसँगै स्वयंसेवक परिचालन गरेको छ । नगरभित्र अत्यावश्यक किनमेलको समयमा पनि पास बाहेकमा मानिसहरु घरबाहिर निस्किएपछि स्वयंसेवक परिचालन गरी टोल-टोलमा खटाएको हो । यसरी एउटा वडामा ५० जना खटाएको छ भने आवश्यकता अनुसार परिचानको लागि ज्याकेटसहितका ५०० भन्दा बढी स्वयंसेवक तयारी अवस्थामा रहेको छ ।
स्वयंसेवकले स्थानीय भाषामा नै सम्झाइ-बुझाइ गरी अत्यावश्यक सामान किनमेलको लागि स्थानीयहरुलाई नगरपालिकाले दिएको पासको आधारमा मात्र पठाउने र तरकारी बजार व्यस्थापन गराउने गरेको नगरप्रमुख सुनिल प्रजापतिले जानकारी बताउनुभयो । भक्तपुर नगरभित्र विस्का जात्राको समय भएकाले पनि स्थानियहरु घरबाहिर निस्कने गरेको पाएपछि स्वयंसेवक खटाउनु परेको उहाँले बताउनुभयो ।
