- अर्थ सरोकार सम्बाददाता
काठमाडौँ – कोरोना भाइरसका कारण अमेरिकामा एक नेपालीको ज्यान गएको छ । गत शुक्रबार अमेरिकाको कोलोराडो राज्यको बोल्डर निवासी लोकेन्द्र कार्कीको मृत्यु भएको हो । कार्की लामो समयदेखि बोल्डरमा सपरिवार बस्दै आएका थिए । उनका दुई छोरी र एक छोरा छन् । नेपाल आएकी उनकी श्रीमती लकडाउनका कारण नेपालमै रोकिएकि छिन् ।
कोरोनाका कारण कोलोराडोमा तीनजना नेपाली भाषीको निधन भइसकेको छ । यसमा एक भुटानी र दुई नेपाली छन् । अरू दुईजनाको अवस्था गम्भीर भएको बताइन्छ। अमेरिकी सरकारले यस राज्यमा तीन हजारभन्दा बढी नेपालीभाषी भुटानीलाई बसोबास गराएको थियो।
