">
- अर्थ सरोकार सम्बाददाता
काठमाडौँ । विहान रेडियो परिसरमा गएर पत्रकारमाथि हातपात गर्न खोजेका धनगढी उपमहानगरपालिका वडा नम्बर १ का वडा अध्यक्षले अन्तत: रेडियोसँग माफी माग्दै आत्मआलोचना गरेका छन् । उनले एक प्रेस बिज्ञप्ति जारी गर्दै ‘आफ्नो कामले रेडियो धन गढी परिवारमा नकारात्मक प्रभाव पर्न गएको भए आत्म आलोचना गर्दछु’ भनेका छन् । विहान उनको हर्कतपछि दिउँसोभर यो खबरले नेपाली मिडिया तातेको थियो ।
मुडभरिको हर्कतको निन्दा गर्दै पत्रकार सम्बद्ध संस्थाहरुले विज्ञप्ति जारी गरेपछि उनले गल्ती महसुस गरेको आशयको विज्ञप्ति जारी गरेका छन् । उनले चामल लुकाएको खबर एक सर्वसाधारणले रेडियोलाई दिएपछि रेडियोमा उक्त खबर प्रशारण भएको थियो । त्यसपछि उनी प्रेसमाथि नै आक्रमण गर्न उक्सिएका थिए । उनको सो हर्कतले उनकै पार्टिभित्र पनि तिब्र आलोचना भएपछी उनले रेडियोसँग माफी मागेका हुन् ।
