• अर्थ सरोकार सम्बाददाता 

मुगु – मुगुको रारा राष्ट्रिय निकुन्जमा राजु कार्कीले संचालन गर्दै आएको भिलेज हिरिटेज एण्ड रिर्सोटमामा आगलागी भएको छ । निकुन्जको कार्यालयभन्दा ५० मिटरको दूरीमा रहेको उक्त रिसोर्टमा शनिबार भएको आगलागीबाट लाखौं रुपैयाँको क्षति भएको छ । 

आगलागीबाट दुईतले भवनसहित भवनभित्र रहेका सामानहरु जलेको निकुन्ज कार्यालयका निमित्त निकुञ्ज संरक्षण अधिकृत यज्ञराज रोकायाले बताए । आगलागी भएलगत्तै रिसोर्ट नजिकै रहेको नेपाली सेनाको श्रीदल गुल्मका सेना र निकुञ्जका वन रक्षकहरुले आगो नियन्त्रणमा गर्न पुगेका भएपनि आगो करिब एक घण्टापछि नियन्त्रणमा आएको थियो ।