• अर्थ सरोकार सम्बाददाता 

वीरगञ्ज – वीरगञ्जका ४ कोरोना संक्रमित निको भएका छन् । नारायणी अस्पतालमा उपचारत चारै जनाको पीसीआर परीक्षणको चौथो रिपोर्ट नेगेटिभ आएको हो । छपकैयाको जामे मस्जिदमा बसेका तीन भारतीय र रौतहटका एक युवक गरी चार जनाको पीसीआर परीक्षणको चौथो रपोर्ट नेगेटिभ आएको हो।

पीसीआर परीक्षणका लागि चार जना संक्रमितको स्वाबको नमूना संकलन गरी शुक्रबार हेटौंडा स्थित प्रादेशिक प्रयोगशाला पठाइएको थियो । शनिबार साँझ रिपोर्ट नेगेटिभ आएको हो । अस्पतालका मेडिकल सुपरीटेन्डेन्ट डा. मदन उपाध्यायले चारै जनाको चौथो रिर्पोट पनि नेगेटिभ आएपछि उनीहरुलाई आज डिश्चार्ज गरिने बताए । 

नारायणी अस्पतालमा सर्लाहीका एक संक्रमित पनि उपचाररत छन् । यस्तै हाल नेपालमा संक्रमितको संख्या ४९ रहेको छ । जसमा निको हुनेको संख्या १२ पुगेको छ भने आज ४ जना डिस्चार्ज भएपछी यो संख्या १६ पुग्नेछ ।