- अर्थ सरोकार सम्बाददाता
बनेपा – नेपाल कपडा तथा सिलाइ व्यवसायी संघ काभ्रेले कोरोना भाइरस (कोभिड १९) सँग लड्न बीस हजार रुपैँया सहयोग गरेको छ । महासंघ मानार्थ सदस्य सानू काजी थापा र सचीव तेज नेपालीको नेतृत्वमा गएको टोलीले बनेपा नगरपालिका प्रमुख लक्ष्मी नरसिंह बादे श्रेष्ठलाई नगद बीस हजार दस रुपैयाँ बिहिबार हस्तान्तरण गरेको संघले जनाएको छ ।
संघले बनेपा नगरपालिकालाई कोरोना भाइरस रोकथामका साथै विपन्न वर्ग र मजदुरलाई राहत प्रदान गर्न बीस हजार १० रुपैयाँ सहयोग गरेको हो । कोरोना भाइरसले महामारीको रुप लिइरहेका बेला नेपालमासमेत यसको रोकथामका लागि देशभर लकडाउन गरिएको छ । यस्तो अवस्थामा ज्यालादारी मजदुर गरिखाने वर्ग र विपन्नको जनजीवन तहस नहस भएको भन्दै उनीहरुको खानपिनको व्यवस्था मिलाउन उक्त रकम हस्तान्तरण गरेको नेपाल कपडा तथा सिलाइ व्यवसायी संघ काभ्रेले जनाएको छ ।
संघले सरकारले गरेको अपिललाई मध्येनजर गर्दै उक्त सहयोग गरेको संघका अध्यक्ष रघु कपालीले जानकारी दिए ।
