• अर्थ सरोकार सम्बाददाता 

काठमाडौं – बहराइनमा कोरोना संक्रमित संख्या बढ्दै गइरहेको छ । बहराइनमा थप ७७ जना नेपालीलाई कोरोना भाइरस संक्रमण पुष्टि भएको छ । बहराइन नेपाली दूतावासले २८ अप्रिल दिउँसो १२ बजे सार्वजनिक गरेको तथ्यांक अनुसार अहिले बहराइनमा कोरोना संक्रमित नेपालीहरुको संख्या १२६ पुगेको छ ।

साथै, कुनै समस्या परेमा सम्पर्क गर्न भन्दै दूतावासले कर्मचारीहरुको नाम र फोन नम्बर पनि सार्वजनिक गरेको छ । हाल बहराइनमा १ लाख २१ हजार २ सय ६० जनामा कोरोना संक्रमण भए/नभएको परीक्षण गरिएको थियो । हालसम्म बहराइनमा १ हजार ५ सय ५६ जना संक्रमण पुष्टि भएको छ । कोरोना संक्रमणकै कारण ८ जनाको मृत्यु भएको छ । उपचारपछि निको भएर घर फर्किनेहरुको संख्या १ हजार २ सय ४६ छ ।