">
- अर्थ सरोकार सम्बाददाता
काठमाडौं – उपत्यकाबाट सोमबार बिहानै लकडाउन उल्लंघन गर्ने ८ सय २ जनालाई प्रहरीले नियन्त्रणमा लिएको छ । काठमाडौंबाट ५ सय ६८ जना, ललितपुरबाट २ सय २९ जना र भक्तपुरबाट ५ जनालाई नियन्त्रणमा लिई होल्ड गरिएको प्रहरीले जनाएको छ । लकडाउनका बेला अत्यावश्यक बाहेकका कामका लागि निस्कन नपाइने भएकाले उनीहरुलाई होल्ड गरिएको प्रहरीको भनाई छ । सोधपुछका क्रममा अत्यावश्यक कामका लागि निस्किएको पाइए छाड्ने पनि गरिएको छ ।
यस्तै, प्रहरीले लकडाउन उल्लंघन गर्ने ६८ वटा गाडी नियन्त्रण लिएको छ । नियन्त्रणमा लिइएको गाडी बेलुकीमात्रै छाडिनेछ । आइतबार पनि काठमाडौं उपत्यकाबाट ३ सय ९७ वटा सवारी साधनलाई नियन्त्रणमा लिएर कारवाही गरिएको थियो । आज लकडाउनको २८औँ दिन हो। सर्वसाधारणहरु ले भने हरेक दिन लकडाउनको उल्लंघन गरेको पाइन्छ ।
