- अर्थ सरोकार सम्बाददाता
काठमाडौँ – ५ र १० रुपैयाँको नयाँ नोट छाप्ने जिम्मा चिनियाँ कम्पनीले पाएको छ । नेपाल राष्ट बैंकले ५ र १० रुपैयाँको नयाँ नोट छाप्न बोलपत्र आह्वान गरेकोमा त्यसको टेण्डर चिनियाँ कम्पनीले हात पारेको हो । उक्त नोट छाप्ने जिम्मेवारी चाइना प्रिन्टिङ एण्ड मिन्टिङ कर्पोरेसनले पाएको हो ।
सो कम्पनीले अब १० रुपैयाँ दरको ३४ करोड थान र ५ रुपैयाँ दरको ३० करोड थान नोट छाप्नेछ । मुद्रा व्यवस्थापन विभागले १० रुपैयाँ दरको नोट ४१ लाख ४० हजार ४ सय डलरमा खरिद सम्झौता गरेको हो । यता ५ रुपैयाँ दरको नोट ४३ लाख ९७ हजार ५ सय डलरमा खरिद सम्झौता भएको मुद्रा व्यवस्थापन विभागले जनाएको छ ।
