• अर्थ सरोकार सम्बाददाता 

काठमाडौं । खाने तेलको मूल्य लिटरमै २० रुपैयाँसम्म बढेको छ । खुद्रा विक्रेताहरू सबै किसिमका खाने तेलको मूल्य लिटरमा १० देखि २० रुपैयाँसम्म बढेको बताएका हुन् । 

सनफ्लावर एक कार्टुनको मूल्य चैत १० गतेसम्म १४ सय ५० रुपैयाँ थियो । ग्राहकहरुले एक लिटरको तेललाई खुद्रा व्यापारीबाट एक सय ५० रुपैयाँमा खरिद गर्दै आएका थिए । खुद्रा व्यापारीहरुले भने प्रतिलिटर एक सय ४५ रुपैयाँमा होलसेलबाट खरिद गर्दै आएका थिए । ग्राहकहरुले अहिले खुद्रा व्यापारीहरुबाट एक लिटरको एक सय ७० रुपैयाँमा खरिद गरिरहेका छन् । 

यता तोरी र सोयाबिनको तेलमा पनि मूल्य पनि बढेको छ । वृद्धि भएको छ । एक सय ४५ रुपैयाँ लिटरमा पाइने तेलको होलसेल मूल्य अहिले एक सय ६० रुपैयाँ पुगेको छ । यस्तै तोरीको तेलमा पनि प्रतिलिटर १५ रुपैयाँ मूल्य बढेको छ । प्रतिलिटर दुई सय १० रुपैयाँमा पाइने तेलको अहिले होलसेलले दुई सय २५ रुपैयाँ पुर्याएको छ ।